«Әділдік және Өркендеу» қоры мен «Сыр-Арал сараптама» компаниясы Қызылорда облысының экологиясы үшін бірлесіп күрес жүргізеді
Қызылорда облысында «Әділдік және Өркендеу» Қоғамдық қоры мен «Сыр-Арал сараптама» ЖШС қызметкерлерінің кездесуі өтті. Өңірдегі белсенді Анар Ізден Қордың басты қағидалары мен мақсат-міндеттері жайында баяндады. Ол биыл ақпан айында қабылданған Қордың негізгі құжаты болып табылатын Үндеу -Манифестің мазмұнына ерекше тоқталды.
Құжат әзірлеушілері бүкіл ел тұрғындарын Қордың жұмысына атсалысуға, оның идеялары мен мақсаттарын қолдауға шақырды. Әсіресе, белсенділер Қазақстанның болашағына бей-жай қарап отыра алмайтын азаматтарды мықты, әділетті және өркендеген мемлекетті бірге құруға шақырды.
Қор қызметінің басты бағыттарының бірі жұмысшылардың құқықтарын қорғау болып табылады. Осы орайда, «Сыр-Арал сараптама» компаниясы табиғатты қорғау және экологиялық нормативтерге сәйкес келу сынды техникалық сынақтар мен талдаулар жүргізетінін атап өту керек.
Ұжыммен кездесу барысында Қор мен компания басымдық беріп отырған денсаулықты қорғау және өнеркәсіптік қауіпсіздік мәселелері талқыланды. Осылайша, бұл жиын құқық қорғау мен экология салаларындағы өзекті түйткілдерді шешу үшін ынтымақтастық орнатудағы маңызды қадам болды.
Еске сала кетейік, «Әділдік және Өркендеу» Қоғамдық қорының белсенділері қазақстандықтарды елдің мықты, әділ және гүлденген болашағын құру үшін Манифестке онлайн қол қоя отырып, Қордың жұмысына қосылуға шақырады.