Новости КАЗ

ӘЛИЯ САЛИЕВА: «Әділдік және өркендеу» Қоры әлеуметтік мәселелерді шешу тәсілдерін өзгертті

Қордың Батыс Қазақстан облысындағы филиалының белсендісі Әлия Салиева Ақтаудағы Қазақстанның батыс аймақтарының өңірлік өкілдерінің кездесуінде қоғамдық ұйым жұмысының ерекшеліктері туралы айтып берді.

Қоғам қайраткері атап өткендей, Қор, құрылған сәттен бастап, аймақтың көптеген бастамашыл азаматына қолдау көрсетті. Еңбек ұжымдары мен қарапайым азаматтар қоғамдық ұйымның идеяларын белсенді қабылдайды, өйткені Қор мақсаттары қазақстандықтардың талаптарына сай келеді.

«Әділдік және өркендеу» Қоры біздің елімізде өте уақытылы пайда болды. Көптеген басқа қоғамдық ұйым болса да, бұл бірлестік халықтық көкейіндегі үндеуді ести алды. Бұл - уақыт талабы және белгілі бір қажеттілік десек те болады. Біріншіден, «Әділдік және өркендеу» ҚҚ « халық үніне құлақ асатын мемлекет» қағидатын нығайтуға ықпал етеді, халық, еңбек ұжымдары, қарапайым адамдардың проблемаларын шешуге атсалысады. Екіншіден, мен еңбек ұжымдарымен кездесулерге қатысқан кезде біздің қоғам, өндіріс, қызмет көрсету және басқа да секторлардың қызметкерлері өзгергенін байқадым. Қордың құрылуы және оның белсенді жұмысы қоғамдағы қиындықтарға төтеп бере алады. Біздің облыста су тасқыны болды. Үкімет деңгейінде де тез шешілмейтін күрделі мәселелер туындады. Біздің Қор іс жүзінде көптеген әлеуметтік мәселені шешу тәсілдерін өзгертті. Проблемалық мәселелер мен оларды шешу жолдарын билік өкілдеріне қолжетімді және дұрыс жеткізу керек. Біздің өңірде Орал қаласындағы бірегей алма бағының негізін қалаған Қайрат Кәрімов жұмыс істейді. Үлкен су тасқыны оның өмір бойы айналысқан еңбегіне қауіп төндірді. Өкінішке қарай, қолдан жасалған баубақшаға ешқандай субсидия бөлінбеді, мемлекет көмектескен жоқ. Бұл мәселені біреу билікке нақты, ақылға қонымды түрде жеткізу керек! Бұны селекционер жасай алмайды, ол инстанцияларға барудың орнына бақ салу керек. «Әділдік және өркендеу» Қоғамдық қоры осындай күрделі және маңызды мәселелерді өз мойнына алып, оларды шешуге сарапшыларды жұмылдырады. Сондай – ақ Қор біздің белсенділердің қолдауына сүйене отырып, халықпен және билікпен сындарлы түрде өзара іс-қимыл жасауға ұмтылатын кездер көп», - деп атап өтті Қордың БҚО-ғы өкілі.